क्लक बी बिजनेस इनोभेसन्सले “नेपाली व्यवसायलाई अन्तर्राष्ट्रिय बजारसँग जोड्ने” भन्ने नाराका साथ चौथो अन्तर्राष्ट्रिय उद्यमशीलता सम्मेलन आयोजना गर्ने भएको छ। सम्मेलन मंसिर २१ गते ललितपुरको कुपण्डोलस्थित होटल हिमालयमा हुने तय भएको छ।
यस सम्मेलनले उद्यमी, लगानीकर्ता र सरकारी अधिकारीहरूसँगको सम्बन्धलाई सञ्जाल बनाएर नेपाली बजार र विश्वव्यापी अवसरहरूबीचको खाडललाई कम गर्नमा केन्द्रित छ।
अन्तर्राष्ट्रिय बजारमा पहुँच, वैकल्पिक पूँजी, नेपालको प्रविधि उद्योग, डायस्पोरा संलग्नता र व्यवसायमा महिला जस्ता प्रमुख क्षेत्रहरू अन्वेषण गर्ने उद्देश्य यस कार्यक्रमको हो।
क्लक बी बिजनेश इनोभेसन्स काठमाण्डौमा रहेको नवप्रवर्तक कम्पनी हो। यसले उद्यमका सम्भावनाहरू, सम्पत्ति सिर्जना र आर्थिक वृद्धिलाई सहज बनाउन उद्यमीहरू र लगानीकर्ताहरूको साझेदारको रूपमा काम गर्दछ।
