स्थानीय लघु, साना तथा मझौला उद्यमलाई सशक्तिकरण गर्न र तिनको विश्व बजारसँग पहुँच बढाउन ‘नेपालबी‘ नामक वेब प्लेटफर्मको गत हप्ता शुरुवात भएको छ।
अमेरिकी निकाय युएसएड (USAID) द्वारा समर्थित यस पहलको उद्देश्य स्थानीय व्यवसायहरूको अन्तर्राष्ट्रिय बजारसँग पहुँच सुधार गर्ने, उनीहरूलाई बढ्न र फस्टाउन सक्षम बनाउने लक्ष्य राखिएको छ।
‘नेपाली व्यवसायको अन्तर्राष्ट्रियकरण’ भन्ने नाराका साथ, क्लक बी बिजनेस इनोभेसन्सले आयोजना गरेको चौथो अन्तर्राष्ट्रिय उद्यमशीलता कन्क्लेभ, कनेक्ट इनमा नेपालबीको औपचारिक शुभारम्भ गरिएको हो ।
प्लेटफर्मले नेटवर्क, मेन्टरशिप, पूँजी सहायता लगायतका अवसरहरू सम्बन्धि सहायता प्रदान गर्नेछ।
यसले उद्यमहरुलाई बजारमा वृद्धि गर्न बैंकिङ र वित्तीय संस्था, लगानीकर्ता, व्यवसाय विकास सेवा प्रदायकहरू, सल्लाहकारहरू, निर्यात बजार र भन्सार, र अन्य सरोकारवालाहरूसँग जुड्न मद्दत गर्दछ। साथै ज्ञानको प्रवाह बढाउन व्यवसाय सम्बन्धि आवश्यक सूचना पनि प्रदान गर्दछ।
हाल, प्लेटफर्ममा निम्न क्षेत्रहरू समावेश छन् — कृषि, पर्यटन, र सूचना र प्रविधि।
यसको वस्तु खण्डमा बिरुवा, जडिबुटी, चिया पात, कपडा र सामान, अचार, कफी, जैविक तेल, कागज उपहार र कृषि र पर्यटन क्षेत्रहरुको सजावट सम्बन्धि सूची छन्। त्यस्तै सेवा खण्डमा पर्यटन र सूचना र प्रविधि क्षेत्रहरूबाट निम्नलाई सूचीबद्ध गरेको छ — सफ्टवेयर विकास, ई-वाणिज्य, आईटी परामर्श र सेवाहरू, मोबाइल एप विकास, ब्लकचेन प्रविधि, होटल र साहसिक पर्यटन, दृश्य र फोटोग्राफी सेवाहरू र कार्य योजनाका कार्य।
प्लेटफर्मले व्यवसाय विकाससँग सम्बन्धित क्षमता निर्माणका लागि आवश्यक पाठ्यक्रमहरू पनि प्रदान गर्दछ। यसको ब्लगहरू र लेखहरूले गतिशील व्यवसाय वातावरण बुझ्नको लागि संक्षिप्त विवरण र अन्तरदृष्टि प्रदान गर्दछ।
जानकारी पनि यस्तै अर्को यस्तो प्लेटफर्म हो जसले उद्यमहरु सम्बन्धि समाचार र अपडेटहरू, ब्लग र लेखहरू र विभिन्न स्रोत र औजारहरु लगायत थुप्रै उद्यम सम्बन्धि आवश्यकताहरू पूरा गर्दछ।
