ललितपुर महानगरपालिकाले दक्षिण कोरियाको Gyeongsang National University (GNU) सँगको सहकार्यमा “स्टार्टअप/उद्यमशीलतामा एआईको प्रयोग” विषयक दुई-दिने Startup Entrepreneurship Symposium को लागि आवेदन खोलेको छ। यो कार्यक्रम पुस ३० र माघ १ गते ललितपुरको महालक्ष्मीसथान नजिकको Delight Party Venue मा आयोजना हुने छ।
कार्यक्रम ४० वर्षमुनिका प्रविधि र एआई उपकरणहरू प्रयोग गर्न सहज हुने र लैपटप वा मोबाइल उपकरण ल्याउन सक्ने प्रारम्भिक चरणका नवप्रवर्तक, विद्यार्थी र स्टार्टअप संस्थापकका लागि तयार पारिएको हो।
आयोजकको अनुसार, ललितपुरका आवेदकलाई प्राथमिकता दिइनेछ, र सहभागिता पहिलो आएका—पहिलो पाउने आधारमा ५० जना सम्म सीमित हुनेछ। कार्यक्रमको उद्देश्य भनेको “स्टार्टअप र उद्यमशीलता प्रक्रियालाई बुझ्न र छानिएका उत्पादन वा सेवा विकास गर्न एआई प्रयोग गर्ने” हो।
कार्यक्रम संरचना र चयन
- बुटक्याम्प ढाँचा: GNU का प्राध्यापकहरूले सञ्चालन गर्ने दुई-दिने इन्टेन्सिभ सेसन
- टीम: ५ जनाको १० टीम गठन गरिनेछ। आवेदकहरूले स्टार्टअप आइडिया सहितको प्रस्ताव पेश गर्नेछन्, जसबाट १० वटा प्रस्ताव चयन गरिनेछ। छानिएका प्रस्तावका सहभागीहरूले आफ्नो टीमको नेतृत्व गर्नेछन् भने बाँकी सहभागीहरू ती १० टीममा समायोजन गरिनेछ।
- पुरस्कार: ललितपुर महानगर र GNU का अधिकारीहरूले चयन गरेका शीर्ष तीन टीमलाई पुरस्कार र मेंटरिङ सेसन प्रदान गरिनेछ।
कार्यक्रम समय
- मिति: पुस ३० र माघ १ (बुधवार र बिहीबार)
- समय: बिहान ९:०० देखि बेलुका ५:०० बजे
- सुविधा: दुवै दिन ब्रेकफास्ट, लन्च, र चिया उपलब्ध गराइनेछ।
कसरी दिने आवेदन?
सहभागी हुन इच्छुक व्यक्तिले गूगल फारम लिंक मार्फत आवेदन पेस गर्नु पर्नेछ। थप जानकारीका लागि, आवेदकहरूले [email protected] मा सम्पर्क गर्न सक्नेछन्।
